«Цхьоагӏонца чӏоагӏа да» яха этнокультуран фестиваль дӏахьоргья мехка
Россе Президента кхайкадаьча Цхьоагӏон шерца, цу оагӏонцара этнокультуран фестиваль дӏахьоргья мехка. Из хоам «Сердалога» бир мехкадаь зарбан болх лелабераша. «Вай мехка лоархӏам болаш да къамий Цхьоагӏон шу. Мехка бахачарна юкъера бувзам, лерхӏам чӏоагӏбеш хургья фестиваль.
Иштта йола проекташ эшаш я машар, цхьоагӏо, барт чӏоагӏбара; къона тӏехье ший овла бовзаш, даьй ӏадаташ лоархӏаш кхеяра тӏехьа», - белгалдир мехкадас Келаматанаькъан Махьмуд-ӏаьлас.
Вайцига дахаш долча дерригача къамашта юкъера моттиг тоаеш, чӏоагӏъеш хургья фестиваль. Цу оагӏонцара программа кийчъяра тӏехьа къахьегаш ба мехкара хьакимаш. Гӏалгӏай къаман тхьовра денз хьадахьа ӏадаташ, оамалаш, гӏулакхаш довзаргда хӏаранена, къаман культуран кхоане йовзийташ моттиг я из.
Къамий культурай автономеша гойтаргда шоай дувхараш, кхыйола хӏамаш; пхьараша шоай болх бовзийтаргба; тха алхар, топпарах хӏамаш хьаяр мишта хила деза хьокхаргда. Кавказерча вахарера дукха хӏамаш довзаргда цига баьхкача хьаьшашта.
