ГӀалгӀайче дӀахьоргда тӀема говзала ловзараш «Турпалхо»
Карарча шера ГӀалгӀайче шозлагӀа дӀахьу тӀема говзала «Турпалхо» яха ловзараш, яхаш, дийцар ГӀалгӀай Республикан Кулгалхочун, Паччахьалкхен зарбан болх лелабераша.
Проект лаьрххӀа шеръеш я 17 турнирага кхоачаш, цига дакъа лоацаш хургва 1000 саг совгӀа. ГӀалгӀайчен кулгалхочо Келаматанаькъан Махьмуд-Ӏаьлас белгалдир, хӀара шу массаза дала «Турпалхо» яха ловзараш мехка лоархӀаме хулаш доагӀилга.
«Из проект ловзар хинна Ӏац, из я чоалханеча хьалашка кагирхошта шоай низ мел ба хара йола таро, иштта бехктокхаме хилар дӀахо дегӀадоаладар, Даьхе езар санна дола гӀулакхаш хьаллацар», - аьлар мехка Кулгалхочо.
Цул совгӀа, Мехкадас хьалхадаьккхар дукха ха йоаццаш тӀама-патриотически кхетам балара, берий могашал тоаяра йола «Авангард» яха Юкъарло хьайийлла хилар.
ХьатӀадоагӀача шера хьаелла лерхӀаш я Осканаькъан Сулумбика цӀерагӀа патриотически центр. Цо таро лургья тӀема дешара урхалленашка кадрай Ӏалашо хьакхолла, иштта новкъостал дергда мехка дикагӀа йола тоабаш харжа, федеральни яхьашка кийчлуш.
