Гӏалгӏайче дӏахьоргья, «Къаман цхьоагӏо» яха театра кхетаче
Карарча шера Гӏалгӏайче дӏахьоргья «Къаман цхьоагӏо» яха Халкъашта юкъера кагирхой театра кхетаче. Из хетаяь я Россе халкъа цхьоагӏон Шу хилара, иштта из чуйоагӏаш я Россе театра болхлой 150 шу дизара.
«Республике цу тайпара кхетаче дӏаяхьар лоархӏаме да. Из да къона начӏал дараш хьаллацар, профессиональни дегӏаахар. Къилбаседа Кавказа моттигашта юкъера культуран бувзам чӏоагӏбу. Со тешаш ва, лоархӏаме дакъа хургда куран театрай кагирхошта, цо дӏайолаергья керда кхоллама проекташ»,- аьлар республикан кулгалхочо Келаматанаькъан Махьмуд-Ӏаьлас.
Кхетаче дакъа лоацаш хургба къона актёраш, режиссёраш, Къилбаседа Кавказа регионий кхоллама тоабаш. Царех дукхагӏбарашта из я шоай балха говзал дӏа-юха эцара йола таро, профессиональни юкъарлонца къамаьл хилар.
Говзанча хьехамаш яхача программа чуйоагӏаш я спектаклаш, кхоллама кхетаченаш. Цига дакъа лоацаш хургва 100 совгӏа артист, режиссёр.
