«Водитель, дӏатӏехвалийта гӏаш воагӏар!» яха болам дӏабихьар мехка
«Лорале-бераш!» яха кхетаче хьаллоацаш бола «Водитель, дӏатӏехвалийта гӏаш воагӏар!» яха болам дӏабихьар Магӏалбике. Шахьарерча №2 йолча ишколерча къонача инспекторашца наькъашкара бокъонаш лорае езилга хьалхадаьккхар ГИБДД болхлоша, машинашца леларашта.
«Болам хьаллаца арабаьннача ӏаьдала болхлоша, машинаш сецаеш, къамаьл дора бахархошца; наькъашка бераш, ха яха нах леларга хьежжа боккъал а сабаре, фийла хила, яхаш. Дешархоша царна дӏадийкъар из деррига белгалдеш дола каьхаташ. Ишколаш, берий бешамаш йолча доазон юхе геттара лоралуш лела безилгах дийцар царга», - йоах тха «Сердалога» МВД болхлоша беча хоамо.
Из тайпара болам эшаш ба къаьстта тахан бераш деша арадаьннача хана. Госавтоинспекце болхлоша къахьег наькъашкара кхерамзлен хьал меттадоаладе гӏерташ.
