«Гӏашло тӏехвалийта!» яха хьехамаш ду болам дӏабихьар вайцига
Яндаре дӏабихьар «Гӏашло тӏехвалийта!» яха хьехамаш ду болам. Из вӏашагӏбеллабар Госавтоинспекце болхлоша, «Островок» яхача берий бешарча зӏамигача новкъосташца. Кхетаче хетаяь яр Ерригроссе кхерамзлен кӏира яхача наькъашца бувзабеннача болама, яхаш, хоам бу «Сердало» газетага Паччахьалкхен автоинспекце зарбан болх лелабераша.
«Болам дӏабахьара керттера маӏан - водителашта хьалхадаккхар, йоккха терко йолаш, лоралуш хила безилга, гӏашлой наькъа тӏакхоачаш. Къонача доакъашхоша кхайкарал дора машинашца боагӏача водителашка; шортагӏа лела, новкъа бер нийсдала тарлу, яхаш», - дувц хоамо.
Гӏаш леларашта бераша хьалхадоахар, кхерам боацаш наькъал сехьа мишта бувла беза. «Зебра тӏа» хьатӏабовла мегаргбац, водитело бокъонца шоаш дехьабовлийтаргбий хайна мара. Водителашта а гӏаш леларашта а зӏамигача инспектораша боккхача безамца ешар новкъа лелара бокъонех йола байташ, дӏадекъар хоамаш тӏадола каьхаташ.
