Наха низ бара духьала къовсам лоаттабеча комиссе кхетаче хилар республике
18.12.2024 10:41
Республикерча Паччахьалкхенна хьалхалаттача Сластенин Владимира кулгал деш, АТК кхетаче дӀайихьар мехка.
Укх шера дӀабихьача балхах, 2025-ча шера кхоачашде дезарех дийцар гулбеннараша. Къаьстта боккха теркам тӀабохийташ дийцар, керда шу хьатӀадарца дувзаденнача цӀайшка кхерамзлен хьал лорадарах.
Мехкадаь зарбан болх лелабераша белгалдечох, кхерамзлен хьал тоадара тӀехьа боккха болх дӀабихьаб укх шера. ЦӀайца дувзаденна денош кхерам боацаш дӀагӀоргдолаш, къахьегаш ба Ӏаьдала болхлой. Нах гуллуча моттигашкара тӀахьожам лакхбеш болх дӀахьоргба цар.
