Терроризма духьала къовсам лоаттабеча комиссе кхетаче дӀайихьар республике
Магасе дӀайихьача терроризма духьала къовсам лоаттабеча комиссе кхетаче дакъа лоацаш бар Паччахьалкхен болхлой, Ӏаьдала викалаш, иштта шахьарерча, юрташкарча администрацей кулгалхой. Из хоам «Сердалога» бир Мехкадаь зарбан болх лелабераша.
Эггара керте латта декхараш дийцар кхетаче. Терроризм яхача зулама духьала 2024 - 2028-ча шерашка дӀабахьа оттабаьча балхах дийцар. Эггара лоархӀаме дар - из зулам доаржадеш дола наькъаш тедар. Ӏаьдала болхлоша къахьег, республике из хӀама чакх ца далийта гӀерташ.
Белгалде деза, цу бӀехача, зулама духьала къовсам лоаттабеча оагӀон 400 болхло цу гӀулакхацара шоай кхетам лакхбеш хиннилга. ИПК, паччахьалкхен университете дӀахьош хиннад из дешар. Цо чулоац конференцеш, семинараш, кхетаченаш.
Кхерамзлен хьал лорадара тӀехьа дӀахохьоргбар боккха болх ба.
