Рекламах йолча бокъонца хувцамаш хиларах дийцар мехка
Хӏама нахалдаккхарах (рекламах) йолча бокъонца цхьацца хувцамаш хиларах дувцаш, кхетаче дӏайихьар мехкарча мах бара-промышленни палате. Из хоам «Сердалога» бера цу моттигера.
«2026-ча шера тушоле бетта 1-ча дийнахьарча № 168-ФЗ даьча мехкарча хувцамех дийцар гулбеннараша. Кхетаче дӏахьош белгалдир, хоам беш, цхьацца хӏама довзийташ, нахалдоаккхаш хьалдетташ долча улгаш тӏа, каьхаташ тӏа доазол арахьарча къамий меттай дешаш язде йиш йоацилга.
Мехкарча УФАС Паччахьалкхен инспектор йолча Гаьгенаькъан Салимата цхьацца хӏама хьадеш болх дӏахьорашта хьалхадаьккхар, цу оагӏонца дувзаденнараш боаггӏача боараме кхоачашдеш хила дезилга.
Роспотребнадзора къахьегамхоша бокъонцарча хувцамех дийцар, хӏаьта муниципалитетий болхлоша шахьара куц лертӏа хилийтара тӏехьа кхоачашде дезараш белгалдир», - йоах тхога бенача хоамо. Мехкарча УФАС мах бара- промышленни палата болхлошца хӏама хьадеш барашта гӏод тохар, совлен хӏама доадар доацаш, шоай болх мишта дӏабахьа беза белгалдергда.
«Тха юкъара декхар да цу оагӏонца дувзаденнараш хьаоттаяьча бокъонга хьежжа кхоачашдергдолаш болх бар, бизнесацара хӏама боаггӏача бораме хила деза», - белгалдир Гаьгенаькъан Салимата.
