Кхааш ийдара духьале еш ба мехка
Дешара оагIонца кхааш ийдара духьала болх лоаттабеш ба тахан мехка. Дешареи Iилмани гIулакхех йолча министерствон кулгалхочун гIонча йола ГетагIазанаькъан Аьсета кулгал деш дIаяхар кхетаче. Дешара оагIонца кхааш ийдара болх бохабарах, цу гIулакхаца дувзаденнараш меттадоаладарах, хьехархоша шоай никъ боаггIача боараме дIабахьарах дийцар гулбеннараша.
«Кхетаче дакъа лоацаш бар Мехкадаь, Паччахьалкхен администраце кхааш ийдара духьаларча оагIон кулгалхочун гIонча БерсановгIар Iусман, цу оагIонцара керттера болхло вола ТIолданаькъан Гилани. Дешара моттигашкара кхааш ийдара духьалара политика чIоагIъяр лоархIамеча гIулакхех долга белгалдир цига. Дешара оагIонцара болх боаггIача боараме, цIена, цхьаккха кхоачамбоацараш юкъе доацаш дIахьош хила беза тахан», - дийцар «Сердалога» министерстве.
ГетагIазанаькъан Аьсета дийцар из болх, хIара денна чIоагIбеш, лакха тIахьожам болаш, дIабахьа безилга. Цу оагIонца кхоачашде дезараш къоастадир кхетаче гулбеннараша.
