Iаьдало рейдаш йир, доаллаш дола декхар хьадаккха
«Къилбаседа Кавказа Россеташа»-«Ингушэнергос» шийна керте кулгалхочун декхараш кхоачашдеш вола Котаганаькъан Кимран волаш Наьсаре аргӀанара рейд йир электроэнергех пайда эцарах доаллаш дола декхар хьадоаккхаш.
Энергетикий йиъ тоаба, ворхӀ урам тIа хилар «Центр-Камазе»: лоархIача гӀирсаш тӀара йоазув хьатӀадаьккхар, пломбаш йохаянза йий хьежар, технически хьахоттара дола каьхаташ нийса дий а хайра, «къайлагӀа» саьргаш дий хьежар ток хьачуйоагӀача бӀоагӀаш тӀа.
Цу тайпара болх дӏабахьаро дика толамаш а даьхар: цхьан дийнахьа гулдир 178 эзар сом, хьайийллар ялх керда лицевой чот. 30 абонента хьалдаьккхар ток лаьгӏъяра хьал. Цул совгӀа, бархӀ электроэнерги лечкъаеш хилар гучадаьккхар 11 эзар киловатт-сахьат е 550 эзар сома.
«Тахан рейдаш дӀаяхьар- дика болх бара ца хилча даргдоацар да. Оаха лакхъю республикан тока дикал, цу тайпара дӀахьош йолча моттигашка хьадаьккха ахча дӀадохийт болх тоабара», - аьлар Котагаькъан Кимрана. – Цу юкъе говзанчаша дика кхетам балара болх дӀахьу нахаца, царна хьалхадоаккх ший ханнахьа ахча дӀалуш хилар Ӏаьдала санна наха а пайда луш долга.
Ток лоаттаераша дӀахо а рейдаш дӀаяхьа лерхӀ. Массанахьа чакхбаргба, къаьстта ахча дӀадалара тӀера боацача наьха хьал довзаш. Хьалхадоаккх, декхар дӀадала йиш я клиентий хьашташ кхоачашдеш йолча компанешка гӀолла, саг ше тӀавоацаш а мобильни приложенешка гӀолла «Сердал Онлайн», «Доалахьарча кабинете» компане сайта тӀа, моллагӀча кхыча мах хьаэцаш йолча пункташка.
Нагахьа санна цхьацца долча бахьанех абонент таро йоацаш вале из ахча дӀадала, из дӀаваха веза ток лоаттаераш болча, ший декхар дӀадалара хьал аттача даккха.
