ГIалгIай паччахьалкхен 100 шу дизара хетаяь конференци дIахьош я
«Iарамхи» яхача курорта даькъ тIа, лайчилла бетта 11-ча денгара 13-ча денга кхаччалца дIахьош хилар мехкашта юкъера Iилма-практически «Россе къаман-паччахьалкхен дешар: истори, таханара ха» яха конференци. Цига дакъа лоацаш ба Iоахарганаькъан Ч. цIерагIча Iилма-тохкама института болхлой, иштта кхыча мехкарча миIингашка Iилман даькъ тIа къахьегаш бола ГIалгIайчен, викалаш.
«Конференце хьалхара ди белгалдир тайп-тайпарча кхетаченашца: «Лоаман ГIалгIайче, суртанчан Гадаборшанаькъан С. А. бIаргашца» яха суртий гойтам, иштта цига го йиш яр «Къаман тIабувхабу гIирс» яха Хьулахой А. А. гойтам.
Цига делкъел тIехьагIа шоллагIа пленарни кхетаче дIайихьар, цига болх беш яр пхиъ тематически секци.
Доакъашхоша дийцар эггара лоархIамегIа дола хаттараш, «Къаман-паччахьалкхен автономи Кавказе», «ГIалгIай автономни областа политически, социально-экономически хьал (1924-1934)», «Исторен оагIонашта духьалъоттара дола дукхача къамий дIоагIа». «Россе къамий метташ лорадар», «Кавказа къамий литература, багахбувцам: историко-культуран къамаьл».
Иштта терко йоацаш йисанзар Кавказа къамий тIехьале, цун истори.
Кхетачен тIеххьара ди долаш, Кавказа тохкамаш дераша дакъа лаьцар ЖIайрахьа кхале гIолла еча экскурсе.
