ГӏалгӀай мехка харцдир, доагор дохкарá боарам оттабаьб яха хабар
ГӀалгӀай мехка хьал леладара центро хоам бу, бувзама оагӏоношка гӏолла даьсса хабар лелаш хиларах. ВКонтакташка цхьацца йолча юкъарлоно каьхата копи гойт, республикан Кулгалхочо арадаьккха амар да, яхаш, республикан доазон тӀа доагор цадохкар белгалдеш . Иштта цу хоама тӀа, Къилбаседа Хӏирий мехка а из хьаллоацаш хила тарлу, яхаш, дувц. ЦУРа яхачох, из хоам цхьаккха тайпара Ӏаьдалца бувзам болаш бац, из цхьанне хилча бакъахьа хеташ вӀашагӀделла хӏама да.
«Тӏахьожам дӀабихьача ховш хилар из гӀулакх вӀашагӀделла хилар, 2025 шера ардара бетта 20-ча дийнахьа денз, мехка Кулгалхочо цхьаккха тайпара амар арадаьккха доацилга», - аьлар «Сердало» газетага ГӏалгӀайчен ЦУРе.
Хоамий кхерамзленах болча говзанчаша республикан бахархой тӀахьех; фийла хилара, шоашта бакъдий цаховр доаржа ца дар, Ӏаьдала гӏулакха лаьрхӀа долча гӀирсашка.
Цул совгӏа, ГӏалгӀайчен ЦУР дӀахохьош я бувзамий оагӏонашкара хьал тахкара болх, доацар дувцаш хоам кхы бий хьожаш. Республикан бахархошта могаду моллагӀа бола хоам цкъа хьалхагӀа тахкар, из дӀа-юха бахьийталехь.
