Акха котамаш кхееш ба вай мехка
17.10.2024 10:47
Наьсаре бахача наха шоай доазон тӀа хьайийллача акха котамаш кхееча ферман балхага хьажа ваха хилар вай мехкада Келаматанаькъан Махьмуд-Ӏаьла. Акха котамаш кхееш воаллача Могушканаькъан Бахьаудина ферме, уж оалхазараш леладе эшаш мел бола кхоачам болаш бар. Карарча хана 350 акха котам я цига. ХьалхагӀа 1000 эзар совгӀа яр уж, фермера вай хьун аренашка дӀахийцад 700 оалхазар.
«Акха котамаш кхеяр дукха къахьегам, говзал эшаш болх ба. УнахцӀена, дегӀа дика бола кхача эца йиш йолаш ба бахархой тахан, из фермерски боахам бахьан долаш», - белгалдир вай Мехкадас. Теркалде деза, Могушканаькъан Бахьаудина тахан ший доазон тӀа киви, хурмаш, хьамискаш, хьайбаш ягӀаш беш лелаелга.
