ГӏалгӀай мехка кхоачашъеш я 80 совгӀа проект
ГӏалгӀайче кийча я, ди тӀехьагӀа дукхагӀа хулаш йоагӀа къаман проекташ кхоачашъе. «Россе президента Путин Владимира ше къаман проекташ дӀаяхьарах дола маьтсела беттара амараш арадоахаш, уж массехк дир, царна цхьацца оагӀув тӀатохарца. Оаха дакъа лоацаргда 80 совгӀа мехка проекташ кхоачашъеча, царех 19 къаман проекташ я. Карарча хана министерствай дехарашка хьожаш да, царех цхьадараш 2025-2026 шу дӀакъовлаш, шоай болх йистебаьккха а я», - аьлар Келаматанаькъан Махьмуд-Ӏаьлас.
Цул совгӀа, цо белагалдир, республикан къаман проекташ керттера я, дегӀаахара хьакъехьа. Уж хиларах мехка 300 вахара гӀишло хьалъяьй. Келаматанаькъан Махьмуд-Ӏаьлас белгалдир, цу тайпара болх хьалхагӀа бергба аьлча саг тешаргвацар.
«Дег чура баркал ала лов сона цу тайпара новкъостал даьча Путин Владимир Владимировича, иштта федеральни Паччахьалкхенна. Къаман проектех бола болх дӀахохьоргба», - аьлар ГӏалгӀайчен Кулгалхочо.
Цун зарбан болх лелабераша белгалдир, моттигашкара бокъонаш лораераш Ӏеш йола моттигаш хьаергхилар, инженерни гӀишлош тоаергхилар, цу гӀулакха йола программа кхоачашъе лаьрхӀад.
