«Бераш Ӏомаду вахаре леладеш долча - дезодорантех,маркерех,мӀарашта хьекхача басарах хьадж яха, из кӀоаргга хьал чу а озаш, цунца корта бохабе хьож», - аьлар МВД хоамо, Россе киберполице йоах,аьнна.

Говзанчаша хьалхадоаккх, цу гӀулакхо берий теркам тӀаоза тарлу, царна из дезадалар кхерам болаш да.

Из унзара хьал харцдала а кхыметтел цох саг вала йиш йолаш а да.

Белгалду, токсикомани оала лазар юхатоха хала хургдолга, хӀана аьлча уж хӀамаш дӀакъайлаяьхаяр аьнна, цох пайда хургбац, нагахьа санна царна шоай ханнахьа, интернете гӀолла цох хьадоала зулам мел доккха да дӀахайташ ца хуле, из наьха могашал йоаяра тӀадерзадаь долга дӀа ца хайте.

Кагирхошта хьалхадаккха деза, клейх хьадж яккхар - из Ӏовдала, унзара хӀама долга. Ираза, ГӏалгӀайче цу тайпара хьал нийсденнадац, бакъда кхувш боагӀарашта дӀахайта деза, из во гӀулакх леладе йиш йоацилга.