Сайца латта балха моттигаш йолаялийта лаьрхӏад
Гӏалгӏай мехка лаьрхӏад, сайца латташ йола предприятеш болх бе йолаялийта. Республикан кулгалхочо Келаматанаькъан Махьмуд-ӏаьлас паччахьалкхен хьалхашка декхар оттадир, цхьацца йола промышленни, дукхача хана денз болх ца беш латта моттигаш болх бе дӏайолаялийта, аьнна.
Мехкадас белгалдир, хоадам болаш из дош кхоачашде деза предприятеш «Технопарк «Сердало», иштта «Кавдоламит» ГУП хилар.
«Паччахьалкхено сиха тахка деза предприятеш балха юкъеяхара эшаш дола хьалаш, царех пайда эцара дешаш, цар цхьадола низаш кхыча балха юкъедахар. Кхыча моттигашцара гӏулакх а иштта хила деза», - аьлар республикан Кулгалхочо.
Керттерча проектах цаӏ я «Жӏайрахь» яха парк хьакхоллар «Кавдоламит» ГУПа даькъ тӏа. Цу гӏулакха эшар да, из дӏахьоргйола нах лахар.
Тха декхар да, цу тайпара йола хӏара предприяти меттаоттаяр, вахара уж юкъеяхар. Цо таро лу керда балха моттигаш хьакхолла, республикан промышленноста таронаш дегӏайоалае», - аьлар Келаматанаькъан Махьмуд-ӏаьлас.
Цул совгӏа, Гӏалгӏайчен Кулгалхочо министерствошта тӏадиллар уж предприятеш болх бе дӏайолаяра йола план кийчъяр.
