Эса тӀара хий хьаийду моттиг хьалъе болалургба мехка кастта
ХьатӀабоагӀача бетта Эса тӀара хий хьаийду моттиг хьалъе болалургба мехка. 100 эзар кубометра лаьрхӀа йола из моттиг хьалъяра болх, федеральни ганзо ахча лоаттадарга хьежжа, 2030-ча шерга кхаччалца дӀахьош хургба.
Оалкам, Илдарха-ГӀала яха, иштта МагӀалбике дӀачукхоачаш, хий чудулларгда цига. Шолжа, МагӀалбика кхалерча, Илдарха-ГӀалий тӀарча, Шолжа шахьарерча, МагӀалбикерча, Галашкарча, Мужечарча бахархошта боаггӀача боараме хий лоаттадеш хургья из проект.
«Вай мехка чӀоагӀа лоархӀаме я из проект, бахархошта лертӀа хий хьадайтара тӀехьа. Тахан мехка геттара хала, доккха долаш латта кхоачамбоацараш юстардоахаш хургба из лоархӀаме болх. Хин турбаш тишъенна хиларах хий боаггӀача боараме хьадагӀац наха», - белгалдир Мехкадас, цох лаьца дувцаш. 13 млрд сом совгӀа рузкъа да цу балхо дӀалоацаргдар.
