«Россен карагIдаьннар» яха болам дIахьош ба вайцига
ГIалгIай паччахьалкхен университета исторически факультета декана Чиймарзанаькъан Iумара «Хана хий: ГIалгIайчен исторе сурт» яха безаме лекци дIайихьар; «Дешар. Лекторий» яхача балха чуйоагIаш. ХIанз дIаболабеннаб «Россена карагIдаьннар» яха «Дешар» яхача Российски юкъарлоно дIахьош бола болам.
Лектора дийцар мехка дезача исторех, гIалгIай къаман истори хьагойташ долча сийленгех лаьца, ладувгIаш барий дукха дар Iилманхочунга дала хаттараш, цар дика дакъа лаьцар цу юкъе.
«Вай лакхарча дешара моттиге дIахьош хинна кхетаче, «Росси» яхача халкъашта юкъерча гойтама-кхетачен дешара цхьа дакъа дар. Лекци хетаяь яр ГIалгIайчен исторе эггара сийрдагIа йолча оагIонна, политически, социально-экономически, культурни оагIорахьа гIалгIайче дегIаахара.
Йоккха терко тIаяхийтар гулбеннараша презентацена: гIалгIай исторе керттера ханаш го йиш хилар лента тIа даяздаь», - аьлар «Сердало» газетага ГIалгIай паччахьалкхен университете.
