ГӀалгӀай къаман
юкъара газет

Кердадараш

ГӀалгӀайче «Россена карагӀдаьннар» яха болам дӀаболалуш ба

ГӀалгӀай паччахьалкхен университете «Заман хий: ГӀалгӀайчен исторически сурт» яха цӀи йолаш, тематически лекци хургья оагӀой бетта 8-ча дийнахьа. Цу хана, Москве, Халкъашта юкъерча «Росси» яхача гойтаме-кхетаче вай мехка ди дӀадолалу. Университете дӀахьош йола лекци цун дешара программан цхьа дакъа хургда, из «Россена карагӀдаьннар» яхача программанна чудоагӀаш да.

«Халкъашта юкъерча гойтама-кхетаченна чудоагӀаш, «Россе» ВДНХ дӀахьоргда мехкий денош, мехка хӀара моттигах лаьца говзанч-хьехам дӀахьоргба. ВДНХ вай мехка ди долаш, «Дешар» яхача Юкъарлоно, кӀира лекцеш ешаш, марафон дӀахьоргья. 

ГӀалгӀайчен массазарча исторех лаьца лекци ешаш хургва ИнгГУ исторе факультета декан Чемарзанаькъан Ӏумар. Кхетаче яьнначул тӀехьагӀа, безам болчо хаттар дала йиш я, шийна езача темах», - аьлар «Сердало» газетага республикан керттерча музее.

Цига студентий а таро хургья ГӀалгӀайчен дӀаяхача ханашкара истори довза, мохк дегӀабоалабара лоархӀаме дакъа юкъедихьараш бовзаргба. Лекцешка гӀолла хьаийцар накъадаргда ший мохк, цун культура, Ӏадаташ дикагӀа довзара. Халкъашта юкъерча «Росси» гойтама-кхетачен дешара программа тӀаерзаяь я, вай мехка тайп-тайпарча доакъоаш тӀа карагӀдоалаш дар наха довзийтара.

Лекцеш дӀахьош, царгара хьаийцар доакъашхошта накъадаргда, гойтаме хьокха оттаяь проекташ, технологеш дикагӀа йовзара. «Россена КарагӀдаьннар» аьнна цӀи йолаш, «Дешар» яхача Россе юкъарлоно дӀахьош бола болам, дешара, Ӏилман даькъ тӀа лоархӀаме моттиг дӀалоацаш ба.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде