Республикера моттигаш тоаю программа
Республикерча Федеральни ганзера 260 млн совгӀа рузкъа къоастадаьд из программа чакхъяккха. Ер шу йистедоалаш, федеральни оагӀоно вай мехкарча Паччахьалкхенца из гӀулакх чӀоагӀдергда, цул тӀехьагӀа 44 млн сом ахча хьакхоачаргда республикага хьатӀадоагӀача шера. Из хоам «Сердалога» бир Мехкадаь зарбан болх лелабераша.
Боккха болх дӀабахьа безача моттигашта юкъе хьалхарча мугӀаре латт Алхастера доазув. «Мехкара КРТ оператор хилийтара тӀехьа проект кийчъяьй вай паччахьалкхено. Иштта кхыдола, из программа йоаржае эшаш дола, каьхаташ кийчдеш къахьегаш ба карарча хана», - белгалдир вай мехкадас Келаматанаькъан Махьмуд-Ӏаьлас.
Мехкадаь зарбан болх лелабераша теркалдечох, гӀишлон балхаш дӀадахьа, шахьарашка, юрташкара хьал тоадеча доккха дакъа дӀалоацаш хургья КРТ программа. «Мехкарча бахархой вахара хьал тоадеш хургья КРТ. Шахьарашкара, юрташкара гӀишлон балхаш таханарча хано дӀадеххача тайпара лакхача боараме чакхдаха аьттув хргба вай», - аьлар вай Мехкадас.
