«Фермера ишкол» я, мехка хьаеллаш
Гурахьа хьаеллаш, «Фермера ишкол» я вай мехка. Россельхозбанко, юртбоахама гӀулакхех йолча Министерствос, паччахьалкхен университето цхьана вӀашагӀъелла, мах боацаш бахархошта юртбоахама гӀулакх довзийташ йолча моттиге деша аьттув луш проект я из. Из хоам «Сердалога» бир мехкарча паччахьалкхено.
«Доакъашхой аьттув ба юртбоахамца дувзаденнача, хьайбашцарча гӀулакхех цаӀ хьахаржа. Шин беттаи ах беттаи хургда дешар. Лекцеш хиларал совгӀа, мехкарча фермашка, кхыйолча моттигашка ухаш; шоаша Ӏомадаьр чӀоагӀдергда цар.
«Дакъа лаца бех фермерски боахамашта кулгалдераш, иштта лакхера, юкъера дешар дийша нах. Укх бетта 5-ча денгара гуйран хьалхарча бетта 2-ча денга кхачалехь, дакъа лаца безам бар, «Са фермерски гӀулакх» https://svoefermerstvo.ru/farmers-way/school яхача моттиге каьхаташ дӀачуденна, дӀачӀоагӀвала веза. Цул тӀехьагӀа, ший анкета укх электронни почте дӀаяхьийта еза- Ӏnfo@Ӏnggu.ru.
Яхьебаьнна хоржамий болх дӀабихьачул тӀехьагӀа, гуйран хьалхарча бетта 10-гӀа ди чакхдалалехь, юртбоахама гӀулакхех йолча Министерствон, Паччахьалкхен университета, Россельхозбанка сайташка гуш хургба чакхбаьннараш», - дийцар мехка кабмино.
