Терроризма духьала къовсам лоаттабу вай мехка
Юкъерча Ачалкхерча №29 йолча ишколе, къона тӏехье терроризм яхача зуламах лораярах йола кхетаче дӏахьош хилар.
Цига дакъа лоацаш бар терроризма духьаларча комиссен хьалха латта Джамболатанаькъан Мухьмад, цу оагӏонцара болхло Цӏечой Руслан, ӏалама саг Джанхотанаькъан Гирихан. Дешархошка дийцар шоай никъ воча хӏамах лорабеш, Даьла раьза воацача гӏулакхашта юстара болаш дӏабаха безарах. «Сердалога» из хоам кхален администрацера бера.
Кхувш латтарашта хьалхадаьккхар, терроризм йоаржаеча зуламхоша из бӏеха болх интернета оагӏонашка гӏолла дӏахьолга. Царца цхьаккха тайпара бувзаме вала, цар яхар хьаллаца йиш йоацилга, иштта моллагӏа тешаме доаца хӏама зийча ӏаьдала болхлошка сиха хоам бе безилга белгалдир гулбеннараша.
Къонача тӏехьенца иштта йола кхетаченаш дӏакхахьар лоархӏаме да.
