Малара тӀера волча сагагара машин хьаяьккхар
13.11.2024 10:49
Кердача Реданта вахархочунна ха техар, балхаш де дезаш, иштта цунгара машин лелае бокъо луш дола каьхаташ дӀадаьхар, из корта бохабу малар менна хиларах, яхаш, дийцар «Сердало» газетага мехка прокуратуре.
«ГӀалгӀай Республикан МагӀалбик-Шахьара суде, 2024 шера аьтинга бетта 11-ча дийнахьа дийцар, хьалха административни бехктокхаме оттаваь, машин лелае бокъо йоацаш хинна водитель юха а «ВАЗ-2101» машинаца корта бохабу малар менна хилар. Из машина тӀара Ӏоваьккхар ДПС болхлоша, «Маяк-12» яха ха латтача моттиге», - йоах бокъонаш лораечар зарбан болх лелабераша.
Судо, из деррига а чулоацаш, 200 сахьата болх бе безаш, бехктокхаме эзар из. Цул совгӀа, цхьан шера машинаца лела йиш йоацаш, бокъонаш а Ӏаьдала болча пайдана машин а дӀаяьккхар.
