Эса юхерча моттигера кораяьй хьулаяь 7, 62 мм калибрах йола 174 поатрон
Мехкарча Эса аьтта оагӀорахьа лаьттан кӀалха 174 поатрон улла къайле гучаяьлар полице болхлошта. Из хоам «Сердалога» бир МВД.
«Республикерча Россе МВД «Шолжа кхала» яхача МО тохкама оагӀон болхлошта, «ГӀажарий-Юрт» яхача полице оагӀон къахьегамхошца «Герз» яха операци дӀахьош, ГӀажарий-Юртарча кирпишк хьаеча завода юхе, Эса аьтта оагӀорахьарча моттиге 40 сантиметрага кхоачаш кӀоаргал дола къайле корайир», - йоах тхога бенача хоамо.
КӀоаг чу иллача пакета чу дукха поатронаш, пулемёта поатронех дизза дола лента, Калашникова оалача пулемётах йоаллаш йола аьшка кӀопилг яр. Тохкама болхлоша белгалдечох, Калашникова пулемётаца, автоматаца, иштта меттахьа кхеташ йолча Драгунова топаца, Мосина топаца лелаеш я уж хӀамаш.
Россе МВД «Шолжа кхала» яхача МО болхлоша хьатехкар, герзацара кхоачам 2022-ча шера Нохчий мехка лар хоадаяьча НВФ доакъашхочун цӀерах хиннилга.
РФ УК 1-ча даькъа 222-ча статьях гӀулакх хьадийллар Ӏаьдало. ДӀахо тохкаш да из гӀулакх.
