ГӏалгӀайче 3,5 эзар «хьаькъале» счётчик оттайир
«Къилбаседа Кавказа Россеташа» - «Ингушэнергос» 2025 шу дӀадоладелча денз, нах бахача республикан юрташка 3,5 эзар «хьаькъале» счётчикаш оттайир.
Ток дӀаозаш хилара хьал цу счётчикашца довзаш хиларо таро лу из болх аттача баккха: юкъера доаккх цу тӀара таьрахьаш дӀадала дезаш хилара балха дакъа. Иштта таханарча ханара чоалх хиларах, ток дӏаозара хьал дика гуш хул, цунца цхьана дӀахьош бола болх а аттача боал.
«Таханарча заман счётчикаш оттаяр - лоархӀаме да республикан энергосистема балха хьал автоматизаце даькъ тӀа даккхара. «Хьаькъал дола» технологи таро луш я , ток къайлагӀа лелаеш дола гӀулакх юхатохара, цо сиха хоам бу цун къоал деш моттиг нийслуш хилча»,-аьлар «Ингушэнерго» филиала кулгалхочун декхараш кхоачашдеш волча Котаганаькъан Кимрана.
