«Аьрзи» яхача берий лагере, хьалхадаьхар цӀи ялара бахьанаш
19.06.2025 12:02
ГӏалгӀайчен МЧСе дӀахьош ба берий лагерашка цӀера кхерамзленца дувзаденна хьехамаш дара болх. Иштта укх деношка цигара болхлой эггара йоккхагӀа йолча «Аьрзи» яхача лагере хилар, яхаш, дувц МЧС «Сердало» газетага.
Говзанчаша берашта дийцар, нагахьа санна цӀи яьнна моттиг хуле, хьалхарча аргӀагӀа ха дезар фуд, уллуврча сага мишта новкъостал де деза. Иштта берашта гойтар цӀи йоаеш бола гӀирс мишта лелабе беза. Сиха гӀо дечар телефона номераш елар.
Берашца къамаьл хинначул тӀехьагӀа, уж хьежар цӀи яьнна хиларах автоматически хоам беш бола гургал болх беш бий, нах кӀалхарбахара хьал мишта латт, цӀи йоале уж малагӀча тайпара кӀалхарбаха лаьрхӀад.
