Бокъо йоацаш, газ дӀахетта 500 моттиг гучаяьккхар укх шера
01.11.2024 10:00
Ӏан хьалхарча беттагара гуйран хьалхарча беттага кхаччалца болх дӀахьош, «Газпром межрегионгаз Наьсаре» яхача ООО оагӀон болхлоша газ бокъо йоацача тайпара дӀатӀахетта 500 моттиг гучаяьккхар.
Из хоам «Сердалога» бир цу моттига зарбан болх лелабераша. ДӀатӀахетта хинна турбаш массанахьара Ӏохедайир; цул совгӀа, из болх лелабаьраш лечкъаяьча газах ахча хьатакха оттабир.
«Бокъо йоацача тайпара газа турбаш дӀатӀахеттача гӀулакхо газ хьаахийта, иштта кхыдола хьаштдоацараш юкъедоаладе тарлу. Цу хӀамо хатар дергдоацаш, хан-ханнахьа арадувлаш, иштта йола моттигаш гучайоахаш болх дӀакхухь оаха республике», - белгалдир «Газпром межрегионгаз Наьсаре» яхача ООО оагӀонна кулгал деча Лаьнанаькъан Элберда.
