Хьалхарча аргӏагӏа дӏахьош ба, СВО бӏухой цӏеношка газ чуйиллара болх
«Наьсаре газ дӏа-юха хьожаеш йолча Газпрома говзанчаша газ чуюллаш латт, лаьрххӏача тӏема операце ветераний цхьацца долча цӏеношка. Лоархӏаме йолча кхетачене, газ чуйиллара дӏахьош хиннача, дакъа лоацаш вар Гӏалгӏай Республикан энергетикан, вахара-коммунальни боахама министр Султиганаькъан Ӏумар, «Наьсарен-Шахьара куран» доал дара даькъ тӏарча Шахьара кхела кулгалхо Бохтаранаькъан Ювсап, иштта «Наьсаре межрегионгаз Газпром» ООО, «Наьсарен газ дӏа-юха хьожаеш йолча Газпром» АО керттера директор Лаьнанаькъан Элберд.
Дӏаболабир из болх Цӏунтолганаькъан дезало керда хьалдаьча цӏенгара. Чӏоаггӏа хала хете а, 2023 шера тов бетта цу дезала да Адам велар, Лаьрххӏа йолча тӏема операце ший тӏема декхар кхоачашдеш. Цун дисар 5 бер, царна юкъе 3 кхувш доагӏаш а долаш. Фусам-нана гӏадъяхаяр иштта сиха ший цӏагӏа газ чуйиллар бахьан долаш.
Шоллагӏа дола цӏа дар Павлова 3 адресах, из а иштта тӏема ветерана Султиганаькъан Махьмуда цӏа дар, дукха ха йоацаш хьалдаь. Цу фусама дай хӏанз кердача цӏагӏа хьачубоагӏаш бар баха. Безача хьаьшаша газ хьаелар, хӏаьта фусам-нанас уж чай ца молийташ дӏа а бахийтанзар.
Цу шинна фусамерча ноаношта газ лоаттаеш хилара, гӏирса технически гӏулакх дара каьхаташ дӏаделар.
Цу цӏеношка газ чуйиллара болх дӏабихьар керттерча декхарех лоархӏаш. «Наьсаре газ дӏа-юха хьежаяра Газпрома» говзанчаша газа чуйиллар юкъера, лохера низ болаш, иштта оттабаьб газа гӏирс, вайцига хьабаь бола, из ба тӏема ветеранашта субсидеш далара программанна чубоагӏаш.
«Цӏеношка газ чуйиллар, цу тайпарча тӏема ветераний хаттараш кхоачашдар - из вайна массанена лоархӏаме декхар да. Уж хаттараш республикан кулгалхочун Келаматанаькъан Махьмуд-ӏаьлан теркама юкъе да. Тахан, доккхача ираза, тха таро хилар шин дезала газ чуйилла, аз уж цунца даькъалабувц»- аьлар- Лаьнанаькъан Элберда.
