Къаман мессенджер МАХ йоаржае лерхӏ вай мехка
Вай республике къаман мессенджер МАХ йоаржаеш ба. Из хоам бу мехкадас Келаматанаькъан Махьмуд-ӏаьлас. Мехка къаьстта йола таьрахьий кӏийле хьакхоллар хьаллоацаш, РФ Президент Путин Владимир ва из проект йоаржае аьнна тӏадиллар.
Республике таьрхьашца дувзаденнараш доаржадара тӏехьа лоархӏаме болх ба из, аьнна, белгалдир вай мехкадас, къаьстта тахан, Россена низ тӏалоаттабе гӏертача хана.
«Паччахьалкхенгара цхьацца гӏулакхаш, кхыдараш чакхдахара тӏехьа цхьа кор дола кӏийле хургья цох. Са керттера канал, мехкарча Паччахьалкхен канал цу оагӏонца болх беш я, кхыйолча моттигий болх а цу юкъехьош къахьегаш ба тахан», - аьлар республикан кулгалхочо.
Белгалде деза, ер шу чакхдалалехь; Россе, иштта вай мехкара еррига дешара моттигаш МАХ бувзамца хургйолга; даьшца, дешархошца бувзам лоаттабу цаӏ йола керттера кӏийле хургья из. Хьакимаша шоашта хьалхашка оттадаь декхар да, массайолча оагӏонашка из бувзам боаржабар, керда гӏулакх малагӏа аьттув луш да бахархошта дӏахайтар.
