Гӏалгӏай мехка водитела-наркомана суд ергья
06.03.2026 09:26
Наьсарен-Шахьара вахархо суда хьалхашка оттаргва, наркотикаш эза корта бохабаь волаш машинаца воагӏаш из хинна хиларах, яхаш, дийцар «Сердало» газетага.
«Лоткъам эцаш хиннараша яхачох, 2025 шера лайчилла бетта 29-ча дийнахьа, Наьсарен-Шахьаре, хьалхагӏа административни бехктокхаме оттаваь хинна саг соцавир «ВАЗ-211540» тайпарча автомобилаца, наркотикаша корта бохабаь волаш. Цул совгӏа цо, наькъа йистегӏолла воагӏаш хиннача гӏашлочоа тӏатехар машин», - аьлар йоах прокуратура хоамо.
Из дӏахо ца вохийташ, лаьцар наькъа ха деча инспектора.
Уголовни гӏулакх прокурора дӏахо тахкара дӏадахьийтад, ГӏР Магаса кхален суде.
