ГIалгIайчен тIема прокурора хьалхадаьккхар, эскаре бехаш хилара хьалаш малагIаш да,
СМИ лаьрхIа йолча тIема прокурора пресс-релизе хоадам боллаш белгалду, тIема амал де тIахьехараш малагIа нах ба а, цига баха раьза боацаш, шоай граждански декхар кхоачаш цадар духьа, лечкъаш леларашта малагIа санкцеш йоагIа а.
«2025 шера бекарга-аьтинга бетташка Российски Федераце бахархой тIема амал дара тIахьехарах а иштта тIахьийхараш амал даь баьлча цIабахийтарах а болча Российски Федераце №187 йолча 31.03.2025 шера Соцамга хьежжа» Российски Федераце бахархой 18 шергара 30 шерга кхаччалца эскаре амал де тIахьех, царна юкъебоагIаш бац амал даь баьннараш, хIаьта «ТIема декхарахи тIема амал дарахи» 28.03.1998 № 53-ФЗ Федеральни законага хьежжа тIема амал де дезараш цу гIулакха тIахьех.
Царех ба бахархой, тIема гIулакхах мукъацабалийтараш, е деша вагIаш хиларах долча бахьанах тIема гIулакха тIа ваха ца везаш каьхат доацараш, е эскаре вахара йилла ха тIехьаяьккха боацараш. Нагахьа санна тIема комиссариата из комисcе чакхвалара тIахьехаш дола каьхат цунна дIаденнадале, тIахьехаш вар лаьрххIа хьатIа ца воагIаш лечкъаш лелаш вале, лоархIаме бахьан а доацаш, из РФ УК д.1 ст. 328 дола зулам лоархIаш да.
Из лакхехьа белгалдаь гIулакх тIема эскаре тIахьехаш волча сага леладеш дале, цунна укх тайпара таIазар доагIа: 200 000 сом гIод; 6 беттага кхаччалца лацар; шин шерга кхаччалца набахта валла ха тохар», - йоах хоамо 216-ча тIема гарнизона прокуратуран хоамо.
Иштта белгалду, 216-ча тIема гарнизона прокуратуре хьехам бара йола пункт я, из я укх адресах: ГIалгIай Республика, Шолжа кхале, Эбарга-Юрт, Шоссейни урам, 64 цIа. ТIаэцара бола болх дIахьош ба прокурорски болхлой, оршот денгара пIаьраска денга кхаччалца, 9:00-13:00 ха чулоацаш. «Тешама телефона» номер - 8(873), 472-40-25. Электронни почтан адрес - 1437@gvp.rsnet.ru
