Экономикан кхерамзлен, коррупцех йолча урхаллен болхлой белгалбаьхар
УЭБиПК толашагӏа бола болхлой белгалбеш, кхетаче дӏайихьар мехкарча МВД. Из хоам «Сердалога» бир цу моттигера.
«Республикерча чухьарча гӏулакхех йолча Министерствон кулгал деча полице инарал - майора Котов Владимира шоай балха тӏа белгалбаларах йола майдилгаш, мехкарча Россе МВД Лоархӏаме грамоташ елар экономически оагӏонцарча зулама, кхааш ийдара духьала къовсам лоаттабеш болча оагӏӏон къахьегамхошта», - дийцар «Сердало» газетага.
Шоай атта доаца декхараш боаггӏача боараме, бехктокхаме кхоачашдеш къахьегарах; доккха баркал кхайкадир министра цу наха.
Республикерча МВД УЭБиПК ветераний Кхела хьалха латтача, 25 шу цу гӏулакха дӏаденначул тӏехьагӏа, тахан балха тӏара цӏагӏа сеца волча полице полковника Гӏазгиренаькъан Мусас ветераний цӏерах даькъалабийца, «Российски полице 300 шу» яха майдилгаш елар толашагӏчарна.
Аьттонца, хьинарца, могаш-маьрша болаш; дӏахо а иштта къахьега даькъалабийцар уж республикерча МВД болхлоша.
