Хий эттачара дӏахойихьар тока моттиг
Наьсарен кхален хий эттача моттигера 110 Кв (ЛЭП) тока оагӏув дӏахохьош хинна болх чакхбаьккхар «Россеташ Къилбаседа Кавказа Россетий»-«Ингшэнерго» оагӏон къахьегамхоша.
«Буро - 2- Пхьилекъонгий-Юрт» яха 110 Кв тока оагӏув догӏаш латтача хана тока оагӏон болхлоша къаьстта чӏоагӏа терко лоаттаеш я, Шолж яхача хин лакхе гӏолла йодаш хиларах. ӏуйранна, сайранна шозза хьож цу моттигага. Укх наькъа къахьегама тоабо зийра, 22 метр бола ялх тонн тока бӏоагӏ сахьат совгӏа йолча хана хиво меттагӏбаьккхалга. Ханнахьа тӏанийсбеннача тока оагӏон болхлоша лаьрхӏар 350 метр йола тока оагӏув кхераме йолча моттигера кхычахьа дӏадехьаяккха.
Шин даькъа йийкъар проект. Эггара хьалхарча оагӏонца 150 метр дӏоахал, пхи метр шорал дола никъ, шоай машин дӏатӏагӏоргйолаш, меттабоалабе безаш бар болхлой. Кхо сахьат ха йийзар царна цу гӏулакха. Цул тӏехьагӏа тока бӏоагӏа хьалъайбаь, 250 метрага кхоачаш бола тока саьрг дӏачӏоагӏбир цар. Цу моттигера 50 метр дӏаховаьлча къоастайир тока бӏоагӏан керда моттиг. 12 болхлочо кхаь дийнахьа къахьийга меттайоалайир тока оагӏув ший хила езача боараме.
Хий сецача моттигашкарча тока бӏоагӏашта тӏахьожам лоаттабеш ба цу оагӏонцара болхлой. Цу юкъе я Илдарха-Гӏалий тӏарча, Яндарерча 3,6 эзар совгӏа бахархошта ток лоаттаеш йола 6 Кв тока моттиг; Магасерча, Эккажкъонгий-Юртарча 18 эзар совгӏа бахархошта ток лоаттаю ЛЭП 11О Кв «Дарьял-Магас», «Буро - 2- Пхьилекъонгий-Юрт» 110 Кв оагӏув.
