ГӏалгӀай мехка 5 шера тоаденнад, геттара кӀезига дозал долча берашка хьажар
2020 шера денз, кӀезига дозал долаш (1,5 кг) хьадаь бер 42%- гара 76%-га кхаччалца, хӀаьта геттара кӀезига (1кг)- 22%-гара 36%-га кхаччалца дийна дусаш, тоаденнад из гӀулакх. Из хоам бу ГӏалгӀай Республикан Паччахьалкхен кулгалхочун зарбан болх лелабераша.
Карарча шера хьалхарча 9 бетта, 21 бер даьд геттара лоха дозал долаш, царех16 бер цӀаяздаьд. Геттара кӀезига дозал долаш 22 бер даьд, царех 8 бер дийна дита вӀаштӀехьадаьлар лорий.
Цу гӀулакхо тешал ду центра реанимаце, хӀаьтта хьадаьча берий лазарашка хьожача доакъоша дика болх беш хилара. Укхаза зӀамигача берашта, ноаношта лорий дика хьалаш лоаттаду, таханарча заман гӀирсех пайда эц, иштта берашта эшача тайпара доал дара хьалаш да.
Цул совгӀа, неонатологически даькъе къахьегаш хирургаш ба, уж хиларах доккха новкъостал хул, хӀетта хьадаь бераш дийна дутача.
«Кӏезига а геттара кӀезига а дозал долаш хьадаь бераш кӀалхардахар совдоалаш доагӀаш хилар - из духхьал таьрахьаш хинна Ӏац, из кӀалхардаьхача берий вахар да, лораша шоашта могар даьд из хьал цу боарам тӀа доаладеш. Республикан унахцӀенон хьал тоалуш доагӀа, эшаш мел дола гӀирсаш долаш да, лакхача лагӀа тӀа латт лорий новкъостал дара болх. Хӏара кӀалхардаьккхача берагара дӀадолалу сага вахар - из лорий толам хинна ца Ӏеш, дезала сатувсилга а да», - аьлар ГӏалгӀайчен Кулгалхочо, яхаш, дийцар тхона цун зарбан болх лелабераша.
