ГӀалгӀайче болх беш я хьем боаца штаб
30.12.2024 22:19
ОагӀой бетта 29 дийнахьа денз наджгоанцхой бетта 8 денга кхаччалца, ГӀалгӀай мехка дийнахьа а бийсан а болх беш хургья моттигерча паччахьалкхено вӀашагӀъелла хьем боацаш йола штаб. Цун балхах жоп дала дезараш ба минэнерго, иштта наьха хьашташ кхоачашдеча республикерча кхыча моттигий викалаш.
Штаба декхараш да кердача шерца дувзаденнача салоӀача деношка наьха токаца, газаца, хица дувзаденна хаттараш теркалдар. Цу гӀулакха бахархоша пайда эца йиш я 112 яхача телефонах. Цул совгӀа, царга ладувгӀаш хургья хьем боацача штаба телефонаш: 8 (8734)55-14-23, 8(928)747-75-44, иштта наьха хьашташка хьожача моттигий диспетсчерий телефонаш а хургья болх беш. Лакхе хьоахаяь номераш ладувгӀаш хургья дийнахьа а бийсан а.
