ГӏалгӀай мехка бокъо яьккхар дукхача дезала даь – СВО доакъашхочун
ГӏалгӀайчен сага бокъонех волча викалга дехар дайтар 2023 шера тӏем тӀара цӀавенача республикан вахархочо. Цо белгалдир, пхе бера да ше хилар, царех цаӀ заӀапхо да. Кӏалха кӀийле йолаш дале а, из Герзашцарча низий мугӀарашкара хьавалар дӏаьхденнад.
«ТӀема прокуратуро новкъостал а деш из болх тохкаш, белгалдир деррига каьхаташ ший ханнахьа тӀема даькъ тӀа дӀачуденна хилар. Бакъда кадрай оагӏонцарча болхлоша шоай ханнахьа болх цабарах, из балхара дӏавалара амара проект кийчъяьяц, е командованега дӀа а кхачийтаяц. Сага бокъонех вола викал, тӀахьожам лоаттабу болхлой юкъебаьлча кхоачамбоацар юстардаьккхар. Эскара тӀавиллача хьакимга прокурора хоам бир, из закон толхадеш дола гӀалат тоадар дехаш, хӀаьта бӀухочун каьхаташ сиха дӀакхаьчар лакхе латтача командованега цох бола хоадам бара», - аьлар «Сердало» газетага ГӏалгӀай Республикан УПЧ хоамий-аналитически даькъ тӀа.
