Хьун боахамца бувзабенна таьрахьий оагӀонцара болх дӀабихьар мехка
18.08.2025 09:25
Шолжа, Наьсарен кхалений хьун боахамашцара болх дӀахьош хилар Ӏалама гӀулакхех йолча мехкарча министерствон болхлой. Мехкарча хьун боахамех дараш цхьан оагӀонца белгала хургдолаш, чакхбоаккхаш болх ба из.
Карарча хана деррига кийча да, хьун боахамий гӀулакхех йолча Федеральни паччахьалкхен хоамий моттиге дӀачӀоагӀде мара ца дезаш (ФГИС ЛК). Таьрахьех йолча цхьан моттиге хургда хьун боахамашца дувзаденна деррига хоамаш. Белгалде деза, ФГИС ЛК хьун моттигашцара болх ма барра бӀаргабайташ бола оагӀув болга. Мехкарча хьун боахамашцарча гӀулакхашта юкъе из геттара лоархӀаме да тахан.
