Запорожски, Курски областашкара бераш кхаьчад вай мехка
Запорожски, Курски областашкара бераш кхаьчад вай республике. Ахкан салоӀаш йола ха дӀаяхьа. Запорожски областера кхаьчараш 40 бер да, Курски областера - 45, иштта берашта хьалхаваьнна вена 9 саг ва боккхагӀчарех.
«Аьрзи» оалача лагере салоӀаш хургда бераш. Укх бетта 19-ча денгара хьатӀабоагӀача бетта 8-ча денга кхаччалца кхоалагӀа смена хургья цига. Лагере хьалкхаччалца бераш чудагӀача 5 автобуса уллув ГИБДД болхлой хилар, цар кхерамзлен хьал лорадеш.
Белгалде деза, из смена вай мехкадас Келаматанаькъан Махьмуд-Ӏаьлас тӀадилла вӀашагӀъелла йолга; Курски, Запорожски областашкарча цу оагӀонцарча моттигашца бувзаме баьнна. Лагере берашка хьежаш дукха хӀама да: царна йовзаргья вай къаман культура, истори. Из гӀулакх боагӀача боараме дӀадахьара тӀехьа дакъа лоацаш ба «Хьалхарчар болама» доакъашхой, иштта кхыйола моттигаш а.
«Тахан могаш дола гӀо лоаттадеш, оагӀув хьаллоацаш Токмакски кхален хьал тоадеча дакъа лоац вай, бахархошта новкъостал лоаттаду, дицдац, хала денош токхаш дола бераш», - аьлар Мехкадас.
