Из гIулакх тахан, кхувш йоагIача тIехьен вахаре, боккха лерхIам болаш да. Царех хIаранена бовза беза, шоай къаман сий доаккхаш, халонаш текха турпал-кхалнах. «Пригородни районе чуйодача Редантера, лорий гIулакха подполковник хинна Льянанаькъан Ф. Х, Ленинграде тIема-арен госпитале кулгалдеш хинна Наьсарера Тутайнаькъан Асияти, Нинаи, Ленинграде тIема денош лаьттача хана, госпитале болх дIахьош хинна Манкенаькъан Е. А., цIермашена чу хиннача госпитале лозабаьрашка хьожаш хинна Байсаранаькъан Ф. М.; дийца варгвоаца майрал хьокхаш, къонахашта нийсса болаш чакхбаьннаб тIема аренашка, аьлар Оздой Ламараси, Темарзнаькъан Фатимаси». Шоай къаман турпалхой дIабовзийташ йола кхетачеш дIайихьай цар Яндарерчеи, Аьлти-Юртарчеи ишколашка. Вайна цIаккха бицбала йиш ярех бац уж нах! Из санна дола, къаман дIаьхий истори даха деза, хIара сага дег чу. Шоай вахар Iодиллад, цу майрача кхалнаха, маьрша вахар бахьан.