«Укх тIехьарча шерашка аьттув баьннараш дукха да, хьалдеш латт юрташка культуран цIенош. ДаьттагIера, ГIайрбик-Юртара культуран цIенош йистедаьнна дала доахк, ЖIайрахье из болх дIаболабаьб. Республикерча театрашта, библиотекашта гIо ду оаха, цар болх дикагIа дIагIоргболаш. Мемориальни комплекса керда гIирс кхаьчаб. Из деррига а вай берашта, кагирхошта лаьрхIа да. Кхоллама юкъе уж хургболаш, шоай начIал доаржаде аьттув баргболаш да деррига а. Уж таханара гIулакхаш эшаш да вай кхоанарча вахара», — белгалдир Мехкадас.

Республикера культуран оагIонцара гIулакхаш тоаде деза вай тIатеIIа. Къаьстта йоккха терко тIайохийташ дийцар, гаьна лоамашка ядача юрташка хила дезача культуран цIеноех. ХIара бера ший начIалах пайда эца, культуран гIулакх доаржаде аьттув бала беза.

«Берий вахар сакъердаме, дог гIоздоаккхаш, салоIам хулаш дIагIоргдолаш, эша наькъаш да вай хьаделла дезараш. Хам баь варгвоацаш да, цар шоай кулгашца моллагIа пайдане, беркате дола хIама хьакхоллаш хилар», — белгалдир вай Мехкадас.

Къаман проекташка гIолла къахьегаш, дикка гаьнадаргда вай цу балха тIехьа. Вай культуран хьал тоалургдолаш, даржаргдолаш, юкъейоалаяьй уж. Дукха болх ба культуран гIулакхах йолча министерствон хьалхашка латтар.