ГӀалгӀай къаман
юкъара газет

Кердадараш

Пунчи даржар цхьан метте латташ да

Эпидемиологическая ситуация в Республике Ингушетия по заболеваемости гриппом и ОРВИ в эпидемиологическом сезоне 2022-2023 годов оценивается как стабильная, на фоне роста заболеваемости в ряде субъектов РФ, в которых, по причине распространения гриппа, детей переводят на дистанционное обучение и вводят масочный режим. Об этом Главе региона Махмуду-Али Калиматову доложили министр здравоохранения РИ Магомедбашир Балаев и заместитель руководителя Управления Роспотребнадзора по РИ Зара Гетагазова, сообщили газете «Сердало» в пресс-службе руководителя республики.

«2023 шера хьалхарча кIира ОРВИ оала лазар кхийтта вар 465 саг, пунчи долаш саг хоаваланзар. ШоллагIча кIира 504 саг вар ОРВИ долаш, наггахьа саг нийсвелар пунчи долаш. Юкъера хьаийцача, нах цамогаш хилара хьал итта эзар сагах 9,1 иштта 9,9 нийслу, эпидеме боарамга кхоачаш а дац.

Роспотребнадзора урхаллено бахача наха юкъе латташ дола хьал дIадовзийташ болх дIахьу, пунчи а ОРВИ а кхетаргдоацаш, уж лорабе лаьрхIа, — аьлар ГатагIажанаькъан Зарас.

Цо белгалдир, из унзара лазар кхета тарлураш дукхагIа бар, кердача шерца дувзаденна салоIа денош йистедаьнначул тIехьагIа. Деша дагIача берий дешар цхьан кIира соцаде тарлуш дар, нагахьа санна хIара пхеннена юкъе цаI могаш воацаш нийслойя (20% дукхагIа).

ХIанз укх сахьате, ГIалгIай Республика унахцIенон министра яхачох, дукхагIа нах могаш боацаш ба Н1N1 оалача пунчех». Нагахьа санна нах могаш бац аьнна дарбанче хьабаьхка хилча, коронавирус дий хьожаш болх дIахьу царца.

«Пунчена духьала вакцина еш бола болх дIахьу, лазар дIа-юха даржаш йола ха дIайолаялалехь, ший ханнахьа сага онк хилийтара. Вакцина яьчул тIехьагIа, пхийтта ди даьлча дIайолаенна, бIарчча шу даллалца из сага дегIаца хул», — аьлар Балайнаькъан Мухьмад-Башира.

Дарбанчашка шоай ханнахьа дIабихьаб, нагахьа санна эпидеме хьал даржаш хуле а, лораш кийча хургбола болх. Из да лораш тоъаш хилар, менгеш нах Iобувшабара кхоачам болаш хилар, говзанчаш шоай моттиге хилар, техникаца, молхашца кхоачам хилар.

ГатагIажанаькъан Зарас хьалхадаьккхар, вирус оалаш дола лазар кхийтача фу деза кхайкадаь хилар. Укхаза чудоагIаш да каст-каста кулгаш дулаш хилар, наха юкъера юкъ лорае езар. Нагахьа санна шийна кIеззига могаш цахилар сага хоалуш хилча, кхы тIехьа ца тетташ, сиха лорашка ваха веза. Эггара тешамегIдар да пунчена духьала вакцинаци яр. Массанахьа цIено лелаяр, наха юкъера юкъ лораяр.

Балайнаькъан Мухьмад-Башира белгалдир, хIанз укх сахьате, коронавирус да аьнна белгалъяьнна цхьа моттиг цахилар.

«Коронавирус оалача лазаро вай дика Iомадаьд фу де деза, из лазар кхетаргдоацаш. Наха, хьалхагIа санна а доацаш, дика хов шоаш мишта лорабала беза. Дика хет сона унахцIенон Министерстве цу гIулакха мел эшача хIаманца Iалашо яь хилар, цудухьа дуккха а пайданегIа да тахан деш дола дарба. Лазар ца кхетийтара де дезар лораде, тIаккха вай республика кхыйолча республикашта юкъе хьалха латташ хургья. Дицлуш ма хила коронавирус», — аьлар ГIалгIай республикан кулгалхочо Келаматанаькъан Махьмуд-Iаьлас.

Кхетаче дIахьош белгалдаьккхар, профилактика яра болх нахаца ца хаддаш беш хилар.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде