ДIаяхача ханашка, хьайба чIоагIа хоза хеташ бола сом бар берашта а боакхийчарна юкъе, бакъда, тахан массехк дицденнад цу тамашийнача баьцовгIах боала пайда мелаб унахцIенонга диллача.

Iилманхоша лоархI, хьайба дукхача бIаьшерерча ханашка денз хьайоагIа сомий культура я аьнна.

Нагахьа санна, Кавказе помидораш, хьажкIаш, коартолаш хьачуена дукха ха еце, хьайба Кавказера, Азе, Греце, Риме кхаьча эзар шу совгIа да.

ГIалгIайчен базарашка го йиш я, арахьара хьачуена хьайбаш, бакъда, вай моттигерча сомачулла дикагIа-м бац цун чам.

Къулбаседа-Кавказа бахархоша, цу юкъе вай мехкахоша а, цу сомах варени ю хоза а хеташ, Iана замах йола кийчо ю, цунца, цу тайпара.

Из дика лоархIаш я унахцIенонна, дукха минералаш, витаминаш йоахк цунах. Из юаш хилча кераца дувзаденна лазараш юхадоал, кера хулаш дола язва дIадоаккх, кербоагабеш хилар а юхадоал, цхьацца дола аллергия оала лазараш а юхатох, сага иммунитет а чIоагIъю.