ГӀалгӀай къаман
юкъара газет

ГIалгIайче 2023 шера доккхача ахчан проекташ кхоачашъе лерхI

Минэкономразвития Ингушетии сообщило о планах реализацию 4 крупных инвестиционных проектов на территории региона в 2023 году. В перечень входит производство газобетонных блоков и алюминиевых сплавов. Об этом Главе РИ Махмуду-Али Калиматову рассказала министр экономического развития РИ Эсет Тумгоева, информировали газету «Сердало» в пресс-службе руководителя республики.

Цу юкъедодаш да газобетона блокаш, кIалах яь хIамаш лоалаеш йола заводаш хьалъяр. Цунах хоам бир ГIалгIай Республикан кулгалхочунга Келаматанаькъан Махьмуд-Iаьлага ГIалгIай республика экономически дегIайоалаяра министра ТIумхой Аьсета, аьнна, хоам бу «Сердало» газетага республикан кулгалхочун кепайоазон болх лелабераша.

«2023 шера оаха лерхI дуккха ахча дIагIоргдола проекташ кхоачашъе, царца я гIишлон материалаш арахецаш йола комбинат тоаяр, «РИАЛ» яха кIалах яь хIамаш лоалаеш йола завод хьалъяр, берий санитарно-цIеналца ювзаенна хIамаш арахецаш йола завод хьалъяр, газобетона блокаш еш йола гIишлош яр.

Министерствос тIахьожам лоаттабергба уж кхоачашъяра», — аьлар министра.

Из доацаш, республике зIамагIа, юкъера хIама хьадарá, иштта доалахьара хIама дIадоладарá новкъостал ду къаман проект хьаллоацаргья«. ЗIамига, юкъера бизнес дегIайоалаярá карарча шера шоай доалахьара хIама дIадоладеш волча 400 совгIа сагá, иштта 3,6 эзар зIамига, юкъера болх лелабеш болчарна, иштта ГIалгIай Республикан бизнес лелае ловш барашта новкъостал де лаьрхIад.

Массехк моттиг я, дикка ахча дIадахийта, проекташ маьхалйоахаргйолаш, цу юкъе хургда берий кхача арахецар, трансформатораш хьаяр, кIа лорадара дола элеваторни гIирсаш хьадар, иштта цIеначкъаьрий (форель) кхедара боахам дегIабоалабар, Лаьжгера IодоагIача хин а иштта ЦIай-Лоаман дукъ тIехьашка дадаш дола, хьажара майдан юхера лаьтташ тоадар, цул совгIа «Эрзи» яхача берий салоIача моттига юххе туристически гIишлош хьалъяр«, — аьлар ТIумхой Аьсета.

Карарча хана лаьрххIа бола болх дIахьош ба, 5 йоккха проект вахаре кхоачашъеш. Уж я теплицай боахамца, «Iармхи» курорт дегIайоалаярца, салоIа «Жайрахь» оала моттиг хьалъярца, иштта кхыдарашца ювзаенна.

«Хьалхарча аргIах кхоачашъе езача проекташта терко лоаттае еза. Уж маьхалъяхарца таро хургья наха балха моттигаш хилийта а, республикан бюджете хьачудоагIар дукхагIа хилийта а, цун экономика дегIайоалае а. Вай, массаза санна а ца боаккхаш, гIа сихагIа боаккхаш хила деза, цхьаннена меттел шиъ хила беза вай боаккхаш бола толам, хьаштдале кхо гIа хьалхабоаккхаш а хила деза», — аьлар Махьмуд-Iаьлас.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде