Царех 90% дика кхоачашдаьд, юхедисараш дӀахо тохкаш да. Цох хоам бир «Сердало» газетага ГӀалгӀай Республикан Кулгалхочун, Паччахьалкхен зарбан болх лелабераша.

Цу наьха хаттараш тайп-тайпара да. ДукхагӀдараш лаьтта дезаш да. Уж 475 да, царна тӀехьа да 168 дехар, цар дех ахча хьаэцаш новкъостал дар, 144 - лорий хаттараш, 490 - психологически новкъостал дехаш, 97 санаторно-курортни дарба дехаш. Иштта тахкар ЖКХ декхар дӀадала дезарах дола хаттараш а, дешара моттигашка цхьацца аьттонаш хилар, балха оттавар.

Къаьстта белгалдаккха дезаш да, филиала массайолча хана къахьег лаьрххӀа йолча операце бӀухой а цар дезал а хьаллоацаш. Царна юкъе я адвокатски палата, юстице министерство, кхыяраш.

«Даьхен лорбой» ганза филиала болх чӀоагӀа эшаш ба бӀухой, тӀема ветеранаш, цар дезал хьаллацара. ДукхагӀа дола хаттараш кхоачашдаь хиларо хьагойт филиала болхлоша цу даькъ тӀа дика къахьегаш хилар», - аьлар ГӀалгӀайчен Кулгалхочо ше уж хаттараш дувцаш.