ГӏалгӀай паччахьалкхен университете «ӀТ дунен тӀа» яха викторина хилар
ГӏалгӀай паччахьалкхен университете «ӀТ дуне» довзара викторина хилар, из вӀашагӀъеллаяр хоамий а технологей а оагӀонца. Из дӀахьош хиларо гучадаьккхар студентий боккъонца дола начӀал, таханарча дунен тӀа дукхагӀа леладеш дола хьал да из.
«Викторине гулбелар тайп-тайпарча курсашка багӀа студенташ, ӀТ даькъ тӀара хьал довза безам бараш. Из дукхача студенташта тахан накъадоалаш да, цар таро я шоашта ховш дар гойта, дукхагӀа довза, хоамий технологей оагӀонаш йоаржае.
Доакъашхой дукхача оагӀонех чакхбоалаш бар, царех хӀаравар хьожар шийна фу хов цу даькъ тӀа; программированех, бувзамий технологеех, киберкхерамзленах, царца малагӀа болх бе беза. Иштта царна хьалхашка латта декхараш дар шоашта тӏадиллар сиха кхоачашде хар, тоабашца цхьана болх бар, шоашта юкъе хӀаране де дезар декъар», - аьлар «Сердало» газетага ИнгГУ.
Хаттараш дукха дар: ӀТ исторен моттигаш, кхыдола дикка уйла тӀаяхийта еза дешаш. Цхьадола декхараш кхоачашдеш, кӀоаргга уйла е езаш хулар тоабаш. Яхьаш дӀахьош атта дацар, бакъда безаме дар цхьана болх беш: тоабаша шоайла хьаллоацар, хӀаьта хьожаш хиннараша дика теркалдора яхьашкара хьалаш.
Из кхетаче дӀаяхьаро таро лу ГӏалгӀай паччахьалкхен университета дешара хьал дегӀадоагӀаш хилар гойта, цо хьахайтар хургдола Даьхен ӀТ даькъ тӀара хьал тешшаме хилар.
