ГӀалгӀайчен паччахьалкхен университете дӀайолайир «ГӀулакх де Ӏомавар» яха проект
ГӀалгӀайчен паччахьалкхен университете «ГӀулакх де Ӏомавар» яха проект дӀайолайир. Цун чулоацам ба дешар, иштта студенташ дешарца цхьана вахара лоархӀаме хаттараш кхоачашдеча дика дакъа лоацаш хилар. Шоашта ховш дар юкъе а доаладеш, юкъарлонна новкъостал деш, студенташта хьалхашка лоӀамхой болх дӀабахьа беза цар.
«Кхетаче хьаеллаш яр ИнгГУ дешара даькъ тӀара болх лелабу Лаьнанаькъан Светлана. Цо белгалдир, «моллагӀа дола гӀулакх сагагара сагага кхоачаш да».
ГӀалгӀайчен лоӀамхой тароний Центра кулгалхочун гӀончас Гоамакортанаькъан Мустафас дийцар лоӀамхошта программан таронех, сертификатах, балха оттаварах, практиках.
Цига лекци йийшар къаьсттача дешара Центра кулгалхочун декхараш кхоачашдеш йолча Малсаганаькъан Марема, хӀаьта ПМНО кафедра йоккхагӀа йолча хьехархочо Овшанаькъан Маддана ший балха говзал йийкъар кагирхошца», - аьлар «Сердало» газетага ИнгГУ зарбан болх лелабераша.
«ГӀулакх де Ӏомавар» яха программа юкъеяккхаро профессе бувзамаш чӀоагӀде таро лургья, Россе бахача наьха вахар тоадара дакъа юкъеда а йиш хургья, вахарца дувзаденна хаттараш кхоачашдеча дакъа лоацаш хургба, шоаш хержача балха даькъ тӀа практически говзал Ӏомаергья, иштта юкъарло хьаллоацаш йола проекташ а тӀаэцаргья.
