Наькъашкарча кхерамзленах дийцар мехкарча кабмине
Наькъашкарча кхерамзлен хьалах дувцаш, кхетаче дӀайихьар мехкарча Паччахьалкхене, Антонов Игора кулгал деш. Иштта цига гулбеннабар тайп-тайпарча министерствошта керте латта кулгалхой.
«Кхетаче белгалдир, цу оагӀонцарча болхлоша наькъашта тӀахьожам лоаттабеш лотораш деш, бордюраш ехкаш, наькъа йистош тоаеш, наькъашка белгало еш дола басараш кердадоахаш къахьегилга», - дийцар «Сердалога» Паччахьалкхен зарбан болх лелабераша.
Дешара шу хьатӀаоттарга хьежжа, цу оагӀонцара болх чӀоагӀбаьб ГИБДД болхлоша а. Къаьстта йоккха терко ю берий бешамашта, ишколашта юхерча наькъий, иштта лакха тӀахьожам бергба бераш дӀа-хьа кхувлача гӀулакха.
Карарча хана наькъий хьал миштад дийцар хьакимаша. Дешареи Ӏилмани гӀулакхех йолча министерствоc кхетаченаш ю берашца, наькъашка лораде дезараш белгалдеш.
