Хьалхарбараша дӏахьоча балхах дийцар Илдарха-Гӏалий тӏа
04.03.2026 09:21
«Хьалхарчар болам» яхача оагӏон хьинардараша дӏахьоча балхах дувцаш, кхетаче хилар Илдарха-Гӏалий тӏа. Из хоам «Сердалога» бир шахьара мэре.
«Кхоачашдаьча гӏулакхех дийцар регионерча Хьалхарбарий оагӏон кулгал деча Албохчанаькъан Маринас. Шахьаре цу оагӏон керттера болхло волча Цӏечой Мухьмада белгалдир дӏахо де лерхӏараш, кхоачашъе езача проектех дийцар.
Къонача хьинардараша Котанаькъан Хьавас, Маматанаькъан Фатимас кхетаченашка дакъа лоацаш шоашта карагӏдаьннарех, цу оагӏонцара болх шоаш шаьрбарах дийцар», - йоах тхога бенача хоамо.
