Илдарха-ГӀалий тӀа наькъа бокъонаш телхаю моттигаш кӀезигагӀа хилийта гӀерт
Илдарха-ГӀалий тӀара полици рейдаш еш я наькъашкара бокъонаш телхаяра хьал тоаде дагахьа, яхаш, дийцар «Сердало» газетага республикан Госавтоинспекце.
«ГӀалгӀай Республикан чурча гӀулакхий Министерствос, полице инарал- лейтенанта Коробкин Михаила тӀадиллача декхарах, Илдарха-ГӀалий тӀагӀолла йолча Россе ОМВД болхлоша укх деношка болх дӀабихьар, наькъа бокъонаш телхайой хьожаш», - аьлар полице.
Из моттиг дӀахьош, 14-зза административни бокъонаш телхаяр гучадаьлар. Цу юкъе кораш баьддар а дар. Полицейскеша машинаш тӀара плёнкаш Ӏояхийтар, уж 16 машин яр, иштта кхо машин полице хьачуйоалайир.
Илдарха-ГӀалан полице, аргӀанара болх дӀахьош, хьалхадаьккхар шахьара бахархошта а хьаьшашта а, цу тайпарча хьалаша российски закон телхадеш хилар.
