Хьунаш цӀенъеш болх ба мехка дӀахьош
22.07.2025 15:55
Паччахьалкхено тӀадилла, хьунаш цӀенъеш болх беш ба Шолжа, Наьсарен кхаленашкарча цу оагӀонцарча болхлой. Из хоам «Сердалога» бир Ӏалама гӀулакхех йолча министерствос.
110 га йолча доазон тӀара йокъаенна, цхьацца бахьанех телха гаьнаш араяьхар болхлоша. ЖӀолам ала а мегаргда царех. Иштта 50 га йолча доазон тӀара пайдана йоаца, сакхаташ дола гаьнаш дӀахьекхар.
«Хан-ханнахьа из болх дӀахьош хилча, хьунашкара лазараш даржац, хьун боахама зе деш дараш а кӀезигагӀа хул, цун экологически хьал тоаду», - дийцар тхога министерстве.
